МЕЧ РЕЈС Европски куп 2024

Тимовите се натпреваруваат во различни класи на едрилици на секоја етапа од европската турнеја, но едрилиците што се обезбедуваат на секоја етапа се идентични. За да се одржи конкуренцијата 100% фер и еднаква, тимовите ротираат едрилици за време на натпреварувањето. За „Охрид Меч Рејс – 2024“ ќе се користат четири едрилици од класата „Far East 23R“, со екипаж од четири или пет натпреварувачи.

ЕК Нов Ветер од Скопје, заедно со ЕК Меч Рејс Клуб од Охрид успешно аплицираше и ја доби организцијата на една од етапите од Европскиот Меч Рејс Куп – 2024 која ќе се одржи во периодот 28-31.08.2024 година во Охрид. Неслучајно се избрани овие датуми, а со цел ова натпреварување да биде дел од „Ohrid Water Festival”, настан кој уште со своето прво издание во 2023 година покажа дека може да биде огромна поддршка за организација на врвни меѓународни натрпеварувања, давајќи можност за одлична промоција на клубовите за водени спортови и нивните спонзори.

Европски Меч Рејс Куп – Охрид 2024 е прво натпреварување од европски ранг кое како дел од Светската Едриличарска Федерација ќе се организира во Охрид, Македонија. Покрај Македонија, како домаќини во 2024 ќе бидат: Обединетото Кралство, Бугарија, Турција и Италија како организатор на големото финале.

Учество ќе земат осум тимови и тоа од: од Македонија, Грција, Шпанија, Полска и Франција, односно 32 натпреварувачи, согласно ранг листата на Светската Едриличарска Федерација, во јуни 2024 година.

Регатното поле ќе биде поставено пред малото пристаниште кај хотелот Палас, каде всушност ќе биде и официјалната фан-зона на настанот.

Предвидена програма:

(а) Официјалната канцеларија на Регатниот Одбор ќе биде отворена на 27.08.2024 во 18:00 часот. 

(б) Регистрација и мерење на тимови на 28.08.2024 од 10:00 до 20:00 часот.

(в) Претставување на тимовите и Официјално отварање на регатата на 28.08.2024 во 21:00 часот. 

(г) Прв состанок на скиперите со Регатниот одбор и судиите на 29.08.2024 во 08:30 часот. 

(д) Натпреварувачките денови ќе бидат од 29-31.08.2024. 

(ѓ) Првиот старт на секој натпреварувачки ден ќе биде во 09:30 часот. 

(е) Последниот старт на секој натпреварувачки ден може да биде најкасно во 16:30 часот. (ж) Прес конференција за медиуми во времетраење од максимум 15 минути после  завршување на секоја од двете натпреварувачки фази. 

(з) Доделување на награди на 31.08.2024 година, во 19:00 часот.