OHRID WATER FESTIVAL/ Фестивал на водени спортови Охрид е проект кој ги врзува водените спортови, охридското природно богатство и развојот на охридската заедница.
Нашата визија и мисија е преку реализацијата на проектот да успееме да ги обединиме сите охридски водени спортови и нивните активности во рамки на еден спортско – туристички БРЕНД со име Ohrid Water Festival.
Охрид и Македонија заслужуваат конечно да добијат модерен и стратегиски проект поврзан со нашиот заштитет знак Охридското езеро. Ohrid Water Festival и нејзиниот концепт како спортски фестивал е токму тоа што треба Охрид како спортско-туристички град да го понуди на пошироката домашна и интернационална туристичко-спортска јавност.
Потенцијалот на фестивалот е многу голем и ние сме убедени, со поддршка на нашите партнери, дека ќе успееме Охрид и Фестивалот да ги издигнеме на ниво на светски најпосетуваните и најбараните дестинации и спортско-туристички активност наменети за љубителите на водата, водените спортови и добрата забава.
Стратешкиот фокус кон езерото, заштитата на езерото, спортовите на вода, клубовите и здруженијата поврзани со водата и посебно спортските работници кои се секојдневно посветени на водата (езерото) се причина плус да се посветиме максимално во креирање на нова спортска традиција која охридскиот активен туризам и градот Охрид ќе го издигнат на европскиот пиедестал на спортско – туристички градови.
Ohrid water festival е нов и засега непознат концепт на спортски фестивал поврзан со водата и водените спортови и активности. Фестивалот ќе понуди многу активности за сите возрасти и сите љубители на водата и водените спортови, кои би биле поделени на спортски, социјално-едукативни и промотивни.
Фестивалот е замислен да трае 9 дена и за време на сите денови да понуди секојдневен микс на активности распространети во текот на целиот ден. Фестивалот ќе се реализира од 19-27 август. Предвидени се 30 активности распределени во десетте денови на Фестивалот. Главен спортски настан ќе биде традиционалниот пливачки маратон од Св. Наум до Охрид кој е закажан за 26 август. За време на фестивалот покрај спортско-рекреативните активности се предвидени многу социјални активности, музика, едукација, промоции како и панел дискусија, изложби и презентација на здрава храна.
Дополнително сакаме да истакнеме дека сите спортови кои се дел од самиот фестивал се олимписки спортови и пред се еколошки спортови што особено ни дава тежина и пред се мотив максимално да се посветиме во реализацијата на самиот фестивал.
