Охридски Пливачки маратон 2023 Св.Наум-Охрид

ПРОГРАМА

За одржување на Охридски пливачки маратон на патека Св.Наум-Охрид во должина од 25 км.

Пливачкиот маратон ќе се одржи на патека на Охридското езеро со старт од месноста Св.Наум, а цел на Градското пристаниште во Охрид, во должина од 25 км.

Охридскиот пливачки маратон е во техничка организација на Клубот за спортови на вода Охридски Бранови 2008, а покровител и поддржувач на настанот е Општина Охрид, Агенцијата за млади и спорт и Националната пливачка федерација. Согласно пропозициите на ФИНА за одржувањето на вакви настани, секој пливач ќе има обезбеден пратечки пловен објект.

За победниците во машка и женска конкуренција организаторот ќе додели победнички пехари и медаљи, а предвидени се и парични награди распределени според критериумите на ФИНА.